منوعات تقنية

المقال دا هقولك ببساطةإزاي تاخد علاقتك مع عملائك الحاليين أو حتى الجدد لمستوي أبعد وتكون معاهم علاقة طويلة المدي، من واقع خبرتي الشخصية، الجودة بتيجي في المرتبة التالتة من حيث أولويات العميل، إيه أول أتنين؟ هتعرف في السطور الجاية. في الحقيقة العملاء وخصوصاً لو كانوا Business owners لازم تعرف أنهم مصحيوش من النوم لقوا نفسهم كدا، هما فعلياً مروا بتجارب وسنين طويلة علشان يقدروا يوصلوا للمرحلة دي، وبالتالي بيكون أعلي أولوياتهم وخصوصاً في التعامل مع الفريلانسرز هي الثقة. الثقة من وجهك نظرك كفريلانسر الموضوع ممكن ميكونش مهم بشكل كبير أو على الأقل مش بنفس أهمية تركيزك على جودة شغلك وتطويرها، بس من وجهة نظر العميل الثقة بتيجي الأول وهي الأهم، لو فكرت فعلياً ممكن تكتشف إن السبب الحقيقي ورا أغلب العملاء اللي اتعاملوا معاك من البداية هو أنهم وثقوا فيك أو وحتى وثقوا في جودة شغلك مش مجرد عجبهم. وعلشان أأكدلك أكتر أهمية الثقة من كام يوم كنت في مكاملة مع عميل وقالي بالنص “بص يا علي إحنا شغلنا كويس علشان اللي أنت بتطلبه انا بنفذه وانا واثق فيك وفي تفكيرك” الجدير بالذكر إننا بنتعامل مع بعض لمدة سنة وشب...